Tanti masccar cuntent

che tira in gir la gent,

gent da tüt i dì

che i van nanca a durmi.

Sa lasan a ca i fasctidi,

gli afari par duman,

ai cumizi pensarem,

incöö lavum i man:

Ai lavum in di curiandul,

ai netum in dal trüc

par ves tüt insema

alegar in un sol grüp,

un grüp da gent cuntent

che ‘i balan in dal vent,

ul vent da la fürtüna

nasü sota la lüna,

la lüna senza ma,

la lüna d’un san Carnevaa.